百搭雪梨配滋潤食材 秋燥喉乾唔使怕

中秋眨吓眼就過咗，又到咗入秋冬轉季時候，你有無開始覺得經常口渴、鼻乾、咳嗽、胸悶胸痛、皮膚乾燥之類？其實呢啲都係「秋燥」徵狀，所以今次就教大家有咩方法對付秋燥，滋潤一下！

1. 秋燥係乜嘢？
秋季氣候較為乾燥，容易損害肺氣、耗傷人體津液，所以好容易會出現秋燥症狀，包括口乾、喉嚨不適、煩躁不安、睡眠質素欠佳等，加上都市人經常 OT 加班，休息不足，有機會引發咳嗽、鼻敏感、氣管敏感之類。 

2. 雪梨最啱對付秋燥？
雪梨唔單止係秋天當造嘅水果，更加係秋冬季節用黎對付秋燥嘅最佳拍檔。雪梨含有豐富維他命同大量水份，有止咳化痰、潤肺潤燥、生津解渴嘅功效，特別係對於喉嚨乾燥引起嘅咽喉不適，滋潤功效更加顯著。

3. 秋天適合飲嘅雪梨飲品湯水
雪梨功效又點止咁少？用雪梨配搭其他時令食材，製作飲品或湯水，更可發揮唔同功效，飲完成個人都滋潤番晒。如果平時唔得閒自己煲，可以試吓呢幾款鴻福堂健康又好飲嘅秋梨飲品或湯水，包保成個秋冬都唔會 dry：

韓國花梨柑桔茶
天氣乾燥喉嚨乾涸，有時連胃口都差埋，韓國花梨加柑桔，滋陰清潤又養聲護肺，食嘢都開胃醒神啲！

冰糖銀耳雪梨雪蓮子甘露
銀耳同雪蓮子都有生津潤燥、滋陰養顏嘅作用，加埋清熱潤喉嘅雪梨，最啱就係清涼乾燥天氣飲用，對保持皮膚飽滿嫰滑好好架。

南北沙參玉竹紅薏米雪梨蜜
由炎夏轉入乾燥秋天，需要將夏天體內濕與熱驅走。紅薏米有祛濕健脾嘅作用，再配合養陰潤燥嘅玉竹及潤肺止咳嘅南北沙參，達到既清又潤的作用。

  
川貝枇杷雪梨茶
秋冬天成日咳，可能因為咽喉有痰，呢種乾咳好傷喉嚨架！川貝同枇杷本身有化痰止咳、潤肺嘅功效，加埋清甜嘅雪梨就更好味。

 
湯水系列
白茅根馬蹄雪梨豬腱湯 
白茅根養陰生津，清熱利尿，馬蹄就能夠清熱生津、開胃消食，配上滋陰潤肺嘅雪梨一齊熬製，味道清甜，絕對係秋季嘅潤燥佳品。啱哂喉嚨乾涸、燥熱人士。

麥冬雪梨沙參玉竹響螺湯（附湯料）
沙參、玉竹本能能夠養陰清熱、潤燥生津，麥冬就可以潤肺養陰、益胃清心，再配合清熱生津、潤燥化痰嘅雪梨同味道鮮美嘅響螺，就能達至養陰清熱、潤燥生津嘅功效，咽喉乾涸、心煩失眠嘅人士飲完舒服晒！

詳情可瀏覽: https://goo.gl/1iz5nt

銷售地點: 全線鴻福堂分店

(資料由客戶提供)